Vjen deklarata e fortë e PPE për Shqipërinë në Parlamentin Europian: – Zgjedhje të njëkohshme parlamentare dhe lokale me Kodin e ri Zgjedhor

9 QERSHOR 2020

Shqipëria të zhvillojë zgjedhje të njëkohshme parlamentare dhe lokale me Kodin e ri Zgjedhor, kjo ka qenë deklarata e fortë e Grupit të Partisë Popullore Europiane.

Sipas Michael Gahler, koordinator i grupit për çështjet e zgjerimit, qe beri deklaratën e grupit PPE në Parlamentin Europian, zgjedhjet ne respekt te Kodit Zgjedhor dhe te dakordesuar me paleve duhet te jene te lira dhe te ndershme.

Ja deklarata 

“Grupi i Partisë Popullore Europiane vazhdon të përkrahë Shqipërinë në udhën e saj drejt Bashkimit Europian. Prandaj ne e vlerësojmë marrëveshjen mes qeverisë e opozitës për një pjesë të rëndësishme të reformës së Kodit Zgjedhor në përputhje me standartet e BE dhe OSBE.

Kjo reformë duhet të përfundojë me këtë frymë dhe, mbi të gjitha, duhet të zbatohet në mirëbesim në zgjedhjet e ardhshme parlamentare dhe lokale. Ato zgjedhje duhet të jenë të lira e të ndershme. Kjo është thelbësore për demokracinë në Shqipëri, por, gjithashtu, plotëson dy kushte të BE për fillimin e negociatave të antarësimit.

Ne u bëjmë thirrje autoriteteve të punojnë për përmbushjen e 15 kushteve që duhet të përmbushë Shqipëria në menyrë që të çelen negociatat. Ne insistojmë për anullimin e legjislacionit që rrezikon lirinë e shprehjes, si dhe për procedimin penal kundër atyre që kanë blerë vota në zgjedhjet e shkuara.”

Gazeta Sot